المدير العام
عدد المساهمات : 190 سجل فى : 06/12/2011
|  موضوع: نكت جزائرية  الأحد 01 يناير 2012, 06:29 | |
|
قالك ابليس هرب من الجزائر سقساوه علاش هربت
قالك .علمتهم الغش و الرشوة السرقة و الكذب......شراو الفيلات و السيارات
ثم يكتبون عليها هذا من فضل ربي
طالب خرج من الاختبار أول واحد ليش ؟ عشان ابوه قله ابيك تطلع الأول.
المعلم: ما هما الكلمتان اللتان يستخدمهما التلاميذ كثيراً ؟ الطالب: لا أعرف... المعلم: أحسنت يا ابنى.
المعلم: من أين نستورد الشاي... الطالب: من عند الجيران.
مفتش دخل على الصف فكان المدرس يريد أن ينام فلما رأى المفتش قال للطلاب: وهكذا كان ينام عمر.
مدرس اتزوج مدرسة كتبوا اكتابهم على اللوح، وزفوهم بالطباشير.
سأل المعلم تلاميذه: ما هي أخوات ان ؟ قال احد التلاميذ: إن - أن - لعل - ليت- كيت. قال المعلم مستغربا: ومن أين كيت هذه ؟ التلميذ: من اخوات ان ولكن من أم أخرى.
الأب: هل اخذتم الضرب في الحساب... الابن: نعم يا ابي وفي الجغرافيا أيضاً.
قالك واح العجوزة راحت للطبيب قاتلوا : يا وليدي راه عندي الما في ركبتي والغاز في معدتي
قاللها : دخلي التريسيتي واسكني
واحد العجوزة راحت تخطب لوليدها
قاتلها :ام العروسة ياك وليدك ما يدخنش؟
قاتلها: لالا يابنتي مايدخنش غير كي يكون سكران برك...........
واحد يتعامل بزاف مع البورصه طاح مريض
داوه للطبيب
الطبيب وهو يكشف عليه قالو يا الله ضغطك وصل 70
صاح المريض و قالو : بيع بيع بييييييييييع
سأل
ولد أبوه : بابا كيفاش نعرفوا بلي واحد راه سكران. قالوا أبوه : شوف يا
ولدي ..هذوك الزوج شجرات يشوفهم السكران أربعة شجرات. دار الولد و شاف بصح
شاف غير شجرة وحدة
!!!!!
واحد راح لطبيب باش ينحيلو مسمار دخلو في رجلو كي قالو ب 2500 دينار جاوبو وقال عوجو وخليه
راجل كبير في العمر قالولو: وآش عامل فيك رمضان يا الحاج.
قاللهم كون مش من رشفة الوضوء العبد يموت مالعطش
قالك
وحد الخطرة وحد السيد اشرى كبش العيد قبل عيد الاضحى بشهرين امالا كانت
العائلة كلها تدلل فيه و تلعب معاه حتى انه ياكل معهم و ينام معاهم في
المنزل و عشية عيد الاضحى راح الكبش جبد روحو على العايلة و بدى يبكي جات
العايلة سالتو واشبيك تبكي قالهم " قعدنا بلا عيد الناس اكل شراو الكباش
غير احنا "
قالك واحد جزائري لقى وحدة مصرية قالها واش مدايرا في حياتك
قالتلوا :انا بقرا في الكلية (باللهجة المصرية)
قالها :انا ثور في السوناطراك (شركة بترول جزائرية)
خطرة واحد مشحاح اي بخيل جاءه ابنه عندو و قال له : بابا البارح حلمت بلي اعطيتني 5 دج
ايا قالوا الاب: رودهالي كنت امزح معاك
=النملة والفيل
خطرة الفيل كان داير حفلة دعا كل الحيونات والنملة ايضا
كل المدعوين دخلو لعندو غير النملة كي سقساها اي عندما سالها لماذا لم تدخلي
قاتلو : كنت ندق بصح حتى واحد ما فتحلي الباب
قالها الفيل: كنت تدخلي من تحت الباب
قاتلو : حبيتني نخسر لا كوب نتاعي ؟
( لا كوب اللي دارتها عند الحلاقة ) اي مشطة الشعر
************************************************** ***
قال زوج لزوجته لو كنت في الهند لعبدك الناس هناك
قالت الزوجة هدا لاني جميلة
قال الزوج بل لانك بقرة. مع كل احترماتي للاخوات.
************************************************** *******
=
رياضيات=
تزوج مدرس رياضيات بمدرسة رياضيات فانجبا ولدا متوازي المستطيلات ....
************************************************** *******************
مرة قروي راح للطبيب... بعد ما كشف عليه قال له: لازم تحلل الدم والبول...... قال القروي : إيه..... الله يحللهم ويبيحهم
************************************************** ********
أحول...... سجل في الجيش ...... حطوه في قسم القصف العشوائي
************************************************** ******
خطرة مشحاح يسكن في الطابق السادس طاحتلو 10 د هبط اي نزل يجري باش يجيبها ما لقاهاش ...علاه؟
لانه وصل قبلها
=مشحاح=
خطرة جارة شافت الضوء يجي ويروح في دار جارها
مشات تشوف واش كاين لقاتوا يقرا في كتاب وكي يقلب الصفحة يطفى الضوء
= نكتة حكم عليها بالموت لماذا؟
لانها قتلت شخصا من الضحك
هاهاهاهاهاهاهاهاهاهاهاهاها
هوهوهوهوهوهوهوهوههوهو
واحد الغاشي ما يفهمو والو..يعني حابسين ...مثلا الكوكاو اللي بالقشور يكتبولهم عليه عبارة' اضغط هنا '...التقاشر مكتوب عليهم 'يمين شمال' البنان مكتوب عليه 'يؤكل من الداخل' الياوورت مكتوب فيه من الاسفل' انتهى ' العلبة نتاع التونة مكتوب عليها 'لاتخف انه ميت
'
قالك واحد السيد تصور بين 2 حمير وبعثها لصاحبته...وكتب تحتها ملاحظة "راني في الوسط
----------------------------
واحد الطلاب كان يهدر مع وحدة سمينة قالها 'اعطني الدراهم باش نشري الخبز راني يومين ما كليتش' قاتلو' راني حاسداتك على لاطاي نتاعك يرحم ابوك قولي شكون الطبيب اللي عطاك هدا الريجيم
-------------------------
زوج كباش تفاهمو مع بعض ..كل واحد يعور الاخر ..باش ما يدبحوهمش فالعيد الكبير
----------------------------
واحد كان يتبع في وحدة قالها "واش بيك تجري واش راه وراك " قاتلو"راه ورايا حمار
"
حمار شاف خطيبته (حمارة)قالها"وقتاش نتزوجو يا حمارة" قاتلو"كي تسقم هدرتك يا واحد الحمار
"
قالك واحد الجزار راح يخطب قالولو موالين الطفلة "لازم تدفع 5ملاين فالعروس" قاللهم "علاش شحال للكيلو
----------------------------
واحد الكلب قعد غي ينبح حتى ضرو راسو.....علاه..كان ينبح في واحد اطرش
----------------------------
خطرة واحد كان يسرح بالنعاج وحاط رجل فوق رجل ويتكيف في قارو ايا طاحت طيارة قريب ليه...كي جات الصحافة تسالو كيفاش الحادثة المسكين من الخلعة بزاف قالهم كنت نسرح بالطيارة و حاط قارو فوق قارو ونتكيف في رجلي .لقيت النعاج طاحو
----------------------------
مرة واحد كان قدام البحر هو و حبيبته ..ايا قاتلو"فاش يفكرك غروب الشمس " قالها "برجوع قرانديزر الى القاعدة
"
----------------------------
واحد فنيان يخدم في حانوت تاع الدجاج (يبيع الدجاج حي) جات عندو وحدة و قالتلو "شوفلي دجاجة فيها 2كيلو". ايا شاف مليح فالدجاج وقال"اللي فيها 2كيلو تنوض
"
----------------------------
واحد قال ليماه بغيت نتزوج بوحدة بيضة وطويلة وخدامة ...قالتلو شوف كاش فريجيدار
--------------------------*-
قالك وواحد قال لباباه "شريلي بورتابل " قالو " نشريلك بصح ركب خوتك معاك
----------------------------
قالك واحد مهبول دايمن حاكم الحيط و حاط وذنو عليه ويسمع كي شافو الطبيب قالو"واش راك تسمع" قالو المهبول "اسمع بوذنك" كي حط الطبيب وذنو على الحيط قالو "ماراني نسمع والو"ايا قالو المهبول "هادي اللي راها مهبلتني
----------------------------
زوج محششين تخاطرو : الاول نحن في الليل
الثاني نحن في الصباح
ثم سألوا محشش آخر : نحن في الليل او الصباح فقالهم منسكنش هنا.
----------------------------
ثلاث مجانين اتفقوا على الهروب فدبروا لقتل الحارس لكن وقت الهروب لم يجدو الحارس فقالوا آآآآآآآآآآآآآه ه ه ه ه ه ه
فشلت الخطة.
----------------------------
فقير اتجه لشراء كبش العيد فقال للبائع بيعلي الرخيس فيهم فقال له البائع : تأكله هنا أو تأخده في ساندويتش.
----------------------------
واحد حب يبني المستقبل خلاصلولبريك.
----------------------------
قلك واحد النهار واحد دخل لصيدلية ليشتري النعناع قالو راي صيدلية ماشو مرشي قلك عاود دخلوا قالو اعطيني النعناع قالو ياولدي راي صيدلية ماشو مرشي قلك صاحب الصيدلية اشترى النعناع كي جا قالوا كاين النعناع قالو نعم قالوا لعجب عمري ماشفت صيدلية تبيع النعناع.
|
|
الرئيسية
